نصائح للتخلص من الدهون

بروزالبطن اصبحت مشكلة كل سيدات  وزيارة طبيب والتخلص من الدهون عن طريق الشفط للدهون وتحدث اضرار كثيرة اليوم هنقدم لكم نصائح للتخلص من الدهون بدون اضرار اذا كنتي ممن يفضلن الرشاقه والبطن الجذابه تابعينا فنحن نقدم كل جديد فى عالم الصحة والرشاقه

النصحية الاولي

تناولي ثلاثة أكواب كبيرة من الماء قبل الوجبات الرئيسية 'الفطار والغداء والعشاء'
لأن الميه مفيش فيها أي سعرات حرارية وبتساعد على ملء فراغ المعدة وبالتالي بتقلل من تناولك الطعام.
كمان ياريت إنك ماتشربيش ميه وخصوصا ساقعة أثناء الأكل.
أنا عارفة إن شرب الميه أثناء الأكل ساعات كتير بيكون ضروري بس معلش تعالي على نفسك شوية وخلي شرب الماء بعد الأكل بمرور نص ساعة.
واوعي تنسي العدو الأول وهو المياه الغازية فياريت إنك تستغني عنها لو عايزة نتيجة كويسة فعلا.

النصيحة الثانية

ياريت إنك تتناولي كوب عصير جريب فروت أو كوب من الماء عليه معلقة صغير من خل التفاح قبل تناولِك للطعام علشان يقلل من إحساسك بالجوع ويحد من تناولك للطعام..
كمان ياريت إنك تحرصي على تناول الأطعمة الغنية بالألياف لأنها بتاخذ
وقت طويل في عملية المضغ مما يقلل الإحساس بالجوع وتؤدي إلى الشبع مع أقل كمية من الطعام.

 

 النصيحة الثالثة

ياريت إن طبق السلطة الخضراء المضاف إليها معلقة من الخل يكون طبق أساسي على السفرة أثناء تناولك للطعام،
وتبدئي بيه طعامك علشان يعطيكِ إحساس بالشبع وهيقلل من تناولك للأطعمة الأخرى
اللي فيها سعرات حرارية عالية وخلي بالك إن السلطة الخضراء بتغذي وتفيد الجسم والبشرة كمان 
وفي نفس الوقت مافيهاش سعرات حرارية عالية وبكده تكوني ضربتي أكتر من عصفور بحجر واحد.

 النصيحة الرابعة

وهي إنك تاكلي على مهلك وبراحتك وبلاش الاستعجال في الأكل واوعي تنسي تمضغي الطعام كويس قوي
بأسنانك علشان تصلي إلى مرحلة الشبع بسرعة من غير ما معدتك تمتلئ بأكل كتير، وده على عكس الأكل بسرعة يملأ المعدة بكثير من
الأطعمة قبل أن تصلي إلى مرحلة الشبع وتجنبي تناول الطعام وإنتِ واقفة وتناوليه وإنت قاعدة وفي هدوء واسترخاء

النصيحة الخامسة

والنصيحة دي عبارة عن إنك هتحاولي على قد ما تقدري إنك تبعدي عن بعض الأطعمة اللي فيها سعرات حرارية عالية زي التين والبلح والعنب
بالإضافة إلى الفاكهة المجففة زي التين، القراصيا، والمشمشية، والمسليات بأنواعها زي اللب والسوداني والمكسرات بأنواعها، والمياه الغازية والشيكولاتة
وياريت تستبدلي بالعيش الفينو العيش البلدي
والأطعمة المقلية والمحمرة ويكون بدل منها المسلوقة والمشوية، كمان ابعدي نهائيا عن المخ والكباب واللحم الضأن والكبدة، وبدل منه تناولي اللحم البقري الصغير

واوعي تنسي إن أهم حاجة إنك تاكلي الوجبات التلاتة بانتظام وده لأن إهمالك لوجبة من الوجبات هيأثر تأثير كبير قوي وهيدفعك إلى التهام أطعمة أكثر غير مرغوب فيها

النصيحة السادسة

لو كنتِ من الناس اللي طبيعة عملهم بيتطلب الوقوف باستمرار يبقى خدي بالك من الطريقة اللي بتقفي بيها لأن طريقة الوقوف لها تأثير مهم على مظهر البطن
علشان كده من الضروري إن الوقوف يكون طبيعي وفي وضع مستقيم من غير ما يؤثر على العمود الفقري مع مراعاة عدم حمل حقائب ثقيلة على جهة واحدة لفترات طويلة
لكن لو كانت طبيعة عملك تتطلب منك الجلوس طول النهار على الكرسي أو كنتِ بتقعدي طول النهار يبقى خدي بالك من الطريقة
اللي بتقعدي بيها على الكرسي، وهى إن يكون ضهرك مفرود في وضع مستقيم
وياريت تحاولي إنك تمشي في اليوم على الأقل نص ساعة، وياريت كمان إنه يكون المشي ده بعد الأكل  وخاصة وجبة العشاء
وده لأن بصراحة شديدة العلاج الفعال في علاج الكرش هو المشي

نصائح مهمه وانتى متبعه رياضة المشي

1- أن يمارس المشي بدون توقف إلا عند الضرورة كالإحساس بالتعب الشديد وعدم القدرة على المواصلة
2- أن يكون بخطى واسعة كالجري البطيء مع تحريك الذراعين بعكس حركة القدمين
3- - أن يكون الظهر مفرودًاً أثناء المشي حتى لا يسبب بروزًاً في منطقة البطن
4- أن يلامس مشط القدم الأرض قبل الأصابع والكعب
5- أن يكون بصفة منتظمة . ويتم زيادة مدته تدريجيًا
6- ياريت تحاولي على قد ما تقدري إنك تمشي يوميا ولو لمدة نصف ساعة ولو مش هتقدري إنك تمشي يوميا يبقى يجب ألا تقل عن ثلاث مرات أسبوعيً
 
الملحوظه الاولي
 أثر الرياضة والمشي يمتد إلى يومين بعد الممارسة حيث إن العضلات تظل بعد الرياضة في حالة انقباض مما يزيد من معدل حرق الدهون.
 

الملحوظه الثانية
 فيه معلومة كتير مش عارفينها وهي إن المشي بسرعة متوسطة يفقد الجسم ما يقرب من 300 سعرا حراريا في الساعة والمشي بسرعة كبيرة يفقده 350 سعراحراريا

 

وكمان مش ننسي الطعام فى اطعمه مفيده لازاله الدهون ومنها الرمان

 

اكدت دراسات ان للرمان فائدة كبيرة خاصة فى التخسيس وحرق الدهون معا نتعرف على فوائد الرمان فى التخسيس

يساعد الرمان على التخلص من الشحوم والسمنة ويقلل إحتمالية نمو خلايا شحمية حول البطن  ويساعد على تخفيض الحمض الشحمي في الدم والمعروف باسم "نيفا" ويخفض ضغط الدم المرتفع مما يمنع الإصابة بالجلطات القلبية والدماغية وأمراض الكلية

وأشار الباحثون إلى وجود فوائد أخرى للرمان منها علاج حالات الحمى الشديدة والصداع وضعف البصر، حيث يستخدم عصير الرمان بمعدل كوبين يوميا  كما إنه يعالج متاعب الأنف وينشط الأعصاب وحالات الإرهاق ويقاوم العس

الكلمات المفتاحية Tags: